بما أن القرقيعان قرب بسولف لكم عن قرقيعان اللولو لبنتها فطوم اخر العنقود
راحت تلف بالمحلات تدور حلى وشكولاتات
من بتعزمين ياالولو بالقرقيعان؟! اكيد أهلك والجيران،
لا ياعواطف هذول هيلق ويفشلون ، ياكلون نص الصحون العام عزمتهم باستقبال المولود جابو عيالهم وعيال أم حمود.
بعزم الكشخه والهاي هاي ،
متكلفة بقرقيعان فطوم عشان أقهر جواهر ومريوم ،
ذيك السنه قرقيعانهم هبل الناس
حاطينه بعلب فضة ونحاس.
بسوي أحسن منهم ، بجيب صناديق محفورة عليها الإسم والصورة، وبداخلها كاكا من باتشي وإسوارة فرزاتشي ،
وبصورهم بالسناب انشرهم بين الأهل والأصحاب.
الله اكبر بس !! هذا قرقيعان وإلاعرس ؟ حلات القرقيعان باللمة ، الأهل والخاله والعمة
شي بسيط وجمعه ملمومه، يفرحون فيها الأطفال وفطومه.
