العيد قرب ياحلو العيد ولمة العيد والعيادي بالعيد.
محمد بطلبك طلب؟
امري وتدللي ياام عيالي ، والله يستر من هالطلب!
لاتحاتي ياابوسلطان الطلب بسيط ومايحتاج مقدمات ولايبيلة وسيط ،
طيب قولي خوفتيني يامرة ،صاير شي بالعيال والا تبين فلوس اشكرة.
بناتك يبون السوق ، ايه يبا انا ابي ميك اب من سيفورا وعدسات وشنطة وتنورة ،
بس ياموضي ابشري يابنيتي لك مني خمس مية، اشتري فيها لبس العيد والباقي لك عيدية،
عيدية!! الخمس مية ماتكفي زيدمثلها يقولون الابو مثال الحب والعطفي، وانا بعد يا بابا ابي جزمه وفستان طويل من وراء وقصير من قدام ، قيمتة ثلاث مية بدون الشنطة والحزام،
والله يابنتي بتجيني الجلطه!!
وانتي ياغاده وشتبين ، أبي بلوزة وتنورة، وفستان منفوش من محل نورة ومعاهم شنطة ونظارة اكشخ فيها اول يوم العيد بالحارة،
تستاهلون من عيوني يابناتي أنا لجلكم أكد وأجمع فليساتي،
كل عام وانتي بخير ياام سلطان تقبل الله منا ومنك الصيام .
وين البنات صحيهم نبي نروح نعايد جدتهم ويسلمون على خالتهم وعمتهم،
والله بناتك نايمين ماقامو للحين ،
والفستان والتنورة مين يلبسهم ،
والصالون الي رتبهم وعدل كشتهم ، راحت الميزانية بكشختهم واخرتها ينامون للظهر ياويحتهم .
