مع حصه قلم ( ٤ )

بناتي ماشاء الله عليهم سنعات
كل يوم يساعدوني بالمطبخ وحده تسوي الشوربة والثانية تسوي القيمات ؛
ويومين ينظفون غرفهم ويغيرون الشراشف واللحافات
يجهزون الشاي والقهوة، لجلستنا ولمتنا الحلوة.
وانتي ياليلى عسى بناتك يساعدونك ومن تعب الطبخ وشغل البيت يريحونك.
خلف الله علي ياحصه ،؟ لو أقولك عن بناتي شيسوون! يقععدون قبل اذان المغرب، وكل وحده شعرها كشه ومخرب ؛ ويسألون وش سويتي على الفطور ، مانبي الزايد ناكله بالسحور ، انا تعبانه بالمطبخ اغسل وأمسح واطبخ. وبالاخير يكتبون بالسناب لي ام هي للجنة باب،يارب ارزقني رضاها فهي امي وكل الأحباب.
تصور السمبوسة تقول تسلم يدي
وتصور الهريس وتكتب هذي نقصة لجدي ،
على هالموال كل يوم حالهم لايرضي الله ولا يسر قوم ،
ادعي لهم الله يهديهم ويصيرون زي بناتك ياحصه ، سنع وعقل وندارة يتكلملون عنهم كل الحارة،
ويصومون ويصلون ولابوهم وامهم يبرون .