البارحة حلمت حلم وفزيت من نومي.
وأتعوذ من ابليس الرجيم وأسمي ،
وأقول يالله عسى خير وانفث يساري،
وجلست أفكر بالحلم ثلاث ايام اشغل افكاري.
وأدق على نورة …واقولها حلمي،
الحقي على يانوير هالكابوس صار همي.
قالت: لا تشغلين بالك ياحصه ،
السالفه بسيطة مايبيلها قصة.
عندي شيخ مفسر أحلام …،
شاطر في تأويل الرؤى والمنام ،
لكنه مايفسر بلاش ،
شلون يعني!! مافهمت ؟
يعني تدقين علية وتقولين حلمك واسمك والحالة الاجتماعية ، ويعطيك رقم الحساب
وتحولين له مبلغ بسيط مايتعدى الخمس مية.
وبعدين يخيرك خيارين…! تبين يفسر لك الحلم على الواتساب او مكالمة صوتية؟
ويعطيك تفسير منامك ويطمنك ، واذا ماجاز لك التأويل
اعطيك رقم شيخ ثاني مفسر احلام غيرة ،
معروف جدا وكاف شرة وخيرة،
لكنه مايفسر للحريم ،
شلون يعني مافهمت!!؟
يعني اذا ارسلتي له حلمك قولي انا فلان وعندي حلم ابيك تفسرة.
انتبهي تقولين انا فلانه ترى يزعل عليك وحلمك ما يفسرة.
مااعاد ابي افسر ولا اعرف التأويل.
الي سمعته منك كابوس اشبة بالمستحيل .
الله يعافي كتب التفسير، لأبن سيرين والنابلسي،
تأويل بلاش ومصدر موثوق ومعروفين ،
يفكني من النصب والإحتيال بإسم الإسلام و الدين .
