سعيد عوضه
البسملة تقضي على كل وسواس
تهديني التقوى سبيل الهداااية
والله ما ينفع جواهر ولا الماس
عنايـــــــه الله ماوراها عنايـــــه
ادرا واجامل كل جاهل وحساس
وامشي مع العاقل ويمشي معايه
أبدي بوجهي ساعة الخير والباس
واللي كره وجهي عطيته قفايــــــه
ابعد قبل ما يوقع الفاس في الراس
عن كل ماشومن يبحِّث خفايـــــه
لا بطرد المقفي ولا بقطع الياس
ثلاثة أرباع اصدقايـــــه عدايــــــه
ياكم جمعت ارقام وأعلنت الافلاس
لكن عسى الدنيا الدنية فدايـــــه
المعذرة كثر الحلا يفسد الكاس
لقيت في بعض المرارة دوايـــــه
كم خوة صارت بالاقدام تنداس
واضحت رمادٍ في هشيم الوشاية
حليل من يسكن بيوتٍ بلا ساس
اثر النهاية تعتمد ع البدايــــــــة
الدين واضح لكن العرق دساس
بعض القيم تطغى عليها الهواية
كليب ذاق الغدر من رمح جساس
طيب . على مين ؟ ولمين ؟ الحكاية
ان غرك المظهر فلا هو بمقياس
لا تحكم الا ان كان عندك درايه
الناس فيها ناس واجناس وانجاس
اخذت من ســود الليالي كفااية
تُصْنَع من الاغصان يا مقبض الفاس
وتعود تنهيها نهايـــــة نهايـــــة
مسعد البكري ✍🏻