السلام عليكم ياابو صالح ،
هلا ياابرهيم شلونك وين الغيبات ،مانشوفك الا وقت المصالح .
ابد ياابوصالح مشغول شوي مع الشايب ،عنده الضغط والسكر وعن الوعي غايب.
وتخبر المرض لايرحم شاب ولاشايب،
افا ياابراهيم ابوك مرقد في المستشفى ولا تعلم جارك،
ترى زيارة المريض واجب وشلون لوانه جدارة بجدارك،
اجر وعافية ياابوابراهيم وسلامتك من كل شر، من وين جاك هالمرض الأقشر،
اكيد تاكل وتدق بالمفطح والمندي وماتخلى المعدة ترتاح وتهدي.
انت مثل اخوي ابوعلي يشكي من الضغط وارتفاعه ودخل المستشفى يسوي اشاعه،
لقو عنده التهاب بالبنكرياس.
ولقو به ورم باسفل الرأس .
سوى عملية ومنظار علة يشفى ، لكن ما اخذ له شهر وتوفى .
الله لايبارك فيك ياصالح انت جاي تزور ابوي وتخفف عنه، والا تغثة وتزيد المواجع منه.
الواجب انك تدعي له بالشفاء والسلامة،
وتخفف عنه اوجاعه ،بدون ذم وملامه.
ولاتسمعه شي يرفع الضغط والحرارة.
خلك ضيف خفيف والتزم بآداب الزيارة.
